Этыёпія: лідэрку апазыцыі вызвалілі

Улады Этыёпіі вызвалілі з турмы аднаго з галоўных актывістаў апазыцыі Біртукан Мідэксу, якую асудзілі да пажыцьцёвага зьняволеньня ў 2008 годзе.

Лідэрка найбуйнейшай апазыцыйнай партыі Этыёпіі "Саюз за дэмакратыю і справядлівасьць" выйшла на волю праз чатыры месяцы пасьля таго, як кіроўчая партыя зь вялікай перавагай перамагла на парлямэнцкіх выбарах.

Заходнія назіральнікі крытыкавалі тагачасныя выбары за непразрыстасьць.