Прэзыдэнт Расеі Дзьмітры Мядзьведзеў абвінаваціў беларускага лідэра Аляксандра Лукашэнку ў імкненьні “пасварыць” народы дзьвюх краінаў. Запіс, прысьвечаны расейска-беларускім стасункам, зьявіўся ў відэаблогу Мядзьведзева. Расейскі прэзыдэнт заявіў, што кампанія Лукашэнкі напярэдадні прэзыдэнцкіх выбараў “цалкам пабудаваная на антырасейскіх заявах і праклёнах на адрас расейскага кіраўніцтва”. Ён таксама назваў “несумленнай” адмову Менску прызнаць незалежнасьць самаабвешчаных Абхазіі і Паўднёвай Асэтыі.
Мядзьведзеў заявіў, што “такія паводзіны зьяўляюцца несумленнымі, партнэры так сябе не паводзяць. І, натуральна, мы будзем улічваць гэта пры выбудоўваньні стасункаў з дзейным прэзыдэнтам Беларусі”.
Мядзьведзеў лічыць, што “прэзыдэнту Беларусі варта было б займацца ўнутранымі праблемамі, у тым ліку, нарэшце расьсьледаваць шматлікія справы аб зьнікненьні людзей”. “Расеі, як і іншым краінам, гэта ня ўсё роўна”, -- дадаў ён.
Пры гэтым Мядзьведзеў падкрэсьліў, што лічыць Беларусь “самым блізкім саюзьнікам Расеі”.
Мядзьведзеў заявіў, што “такія паводзіны зьяўляюцца несумленнымі, партнэры так сябе не паводзяць. І, натуральна, мы будзем улічваць гэта пры выбудоўваньні стасункаў з дзейным прэзыдэнтам Беларусі”.
Мядзьведзеў лічыць, што “прэзыдэнту Беларусі варта было б займацца ўнутранымі праблемамі, у тым ліку, нарэшце расьсьледаваць шматлікія справы аб зьнікненьні людзей”. “Расеі, як і іншым краінам, гэта ня ўсё роўна”, -- дадаў ён.
Пры гэтым Мядзьведзеў падкрэсьліў, што лічыць Беларусь “самым блізкім саюзьнікам Расеі”.