“Белсат” атрымаў дазвол на рэтрансьляцыю ва Ўкраіне

Нацыянальная рада Ўкраіны ў пытаньнях тэлебачаньня і радыёвяшчаньня ўхваліла рашэньне пра дазвол рэтрансьляцыі каналу «Белсат».

Паводле афіцыйнага сайту Нацыянальнай рады, ад 22 верасьня грамадзяне Ўкраіны змогуць глядзець сярод іншага польскі беларускамоўны інфармацыйна-аналітычны канал «Белсат ТБ».

Раней у ліпені Ўкраіна дазволіла рэтрансляцыю дзяржаўнага тэлеканала «Беларусь-ТВ».