Лінкі ўнівэрсальнага доступу

Эўрапейская народная партыя падтрымала рашэньне Мілінкевіча


Прэзыдыюм Эўрапейскай Народнай Партыі (ЭНП) абвясьціў, што падтрымлівае рашэньне Аляксандра Мілінкевіча не вылучацца на прэзыдэнцкіх выбарах, заплянаваных на 19 сьнежня 2010, таму што ўмовы для свабодных і справядлівых выбараў ня будуць забясьпечаныя.

“Прэзыдыўм ЭНП занепакоены тым, што падчас гэтых выбараў беларускія ўлады зноў могуць пайсьці на парушэньні міжнародных і эўрапейскіх дэмакратычных стандартаў . У гэтай сытуацыі ЭНП падтрымлівае рашэньне Аляксандра Мілінкевіча не ўдзельнічаць у выбарах, што будзе моцным сыгналам, як для Беларусі і Эўропы, так і для ўсяго сьвету”, — падкрэсьліў прэзыдэнт ЭНП Вільфрыд Мартэнс.

ЭНП заяўляе, што падтрымлівае дэмакратычныя праэўрапейскія сілы ў намаганьнях дасягнуць дэмакратычных зьменаў у Беларусі.

Прэзыдыюм ЭНП выказвае шкадаваньне з прычыны таго, што сярод палітычных сілаў, зьвязаных з ЭНП (Рух “За Свабоду”, БНФ, АГП), адсутнічае адзінства, і што яны не вылучаюць адзінага кандыдата на прэзыдэнта.

Ваша меркаваньне

Паказаць камэнтары

XS
SM
MD
LG