Лінкі ўнівэрсальнага доступу

Лукашэнка не павіншаваў Мядзьведзева?


Аляксандар Лукашэнка і Дзьмітры Мядзьведзеў
Аляксандар Лукашэнка і Дзьмітры Мядзьведзеў

У прэзыдэнцкай прэсавай службе не падалі інфармацыі, ці павіншаваў кіраўнік Беларусі Аляксандар Лукашэнка з днём народзінаў прэзыдэнта Расеі Дзьмітрыя Мядзьведзева.

Кіраўнік прэсавай службы прэзыдэнта Павал Лёгкі сказаў карэспандэнту "Свабоды", што "будзе захоўваць на гэты конт маўчаньне, бо далёка не заўсёды дакумэнты ідуць у прэс-службу". Ён устрымаўся ад камэнтароў і не падаў інфармацыі па гэтым пытаньні. Спадар Лёгкі параіў пацікавіцца ў прэсавай службе прэзыдэнта Расеі.

У прэсавай службе прэзыдэнта Расеі сказалі, што калі б віншаваньне было, то яно было б на сайце.

Паводле сайту прэзыдэнта Расеі, на адрас Дзьмітрыя Мядзьведзева паступілі шматлікія віншаваньні з днём нараджэньня ад лідэраў замежных краін.

Сярод віншавальнікаў — прэзыдэнт Украіны Віктар Януковіч, прэзыдэнт Армэніі Серж Саргсян, прэзыдэнт Казахстану Нурсултан Назарбаеў, прэзыдэнт Азэрбайджану Ільхам Аліеў, фэдэральны канцлер Нямеччыны Ангела Мэркель, прэзыдэнт Францыі Нікаля Сарказі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG