Аршанскія міліцыянты вартуюць пад'езды да Крапівенскага поля. Нягледзячы на міліцэйскія захады, на штогадовы фэст "Аршанская бітва" зьбіраюцца слухачы і выканаўцы.
У мінулыя гады былі спробы сарваць імпрэзу. Так, у 2007 годзе было абвешчана, што ў рэчцы Крапівенка знайшлі міны, і на звыклае месца людзей не прапусьцілі. Ад таго часу і пачаліся штогадовыя захады, каб не пускаць людзей на фэст. Тых, хто прыехаў, бывала, затрымлівалі на Аршанскіх вакзалах і нават штрафавалі за адсутнасьць флікераў у цёмны час сутак.
Напярэдадні сёлетняга сьвяткаваньня, як і летась, у Інтэрнэце пачалі зьяўляцца папярэджаньні, што ўдзельнікаў несанкцыянаванай імпрэзы могуць прыцягнуць да адміністрацыйнай адказнасьці. Камэнтар такога зьместу ад імя Аршанскага РАУС зьявіўся пад абвесткай пра фэст на інтэрнэт-сайце "Народныя навіны Віцебску". Калі ў Воршы вырашылі высьветліць, ці існуе нейкі адмысловы міліцэйскі загад, з гэтага нічога не атрымалася: актывісты патэлефанавалі ў Аршанскі райаддзел, начальніка не знайшлі, а тыя міліцыянты, да якіх дазваніліся, увогуле ня цямілі, пра што вядзецца гаворка.
Перад слухачамі на фэсьце ў розныя часы выступілі ці ня ўсе тутэйшыя аўтары-сьпевакі, пачынаючы ад Андрэя Мельнікава, які быў адным з заснавальнікаў фэсту. Імпрэза заўжды праходзіла ў фармаце народнага сьвята, і дазволу ў мясцовых уладаў ніхто ніколі не прасіў. Наведваюць фэст і вядомыя беларускія палітыкі. На Аршанскай бітве пабылі А.Мілінкевіч, П.Севярынец, а сёлета пасьля сустрэчы зь віцебскімі актывістамі на фэст выправіўся патэнцыйны кандыдат у прэзыдэнты ад партыі БНФ Рыгор Костусеў.
"Я хацеў наведаць гэтае гістарычнае, знакавае месца, каб, па-першае, аддаць даніну памяці тым змагарам за нашу зямлю, якія загінулі на гэтым полі, якія перамаглі на гэтым полі, – сказаў Р.Костусеў. – Па-другое, мне цікава сустрэцца з многімі людзьмі, якія неабыякава ставяцца да гэтых гістарычных дат, і з выканаўцамі бардаўскіх песень, пачуць іхныя творы.”
Фэст традыцыйна адбываецца недалёка ад вёскі Гацькаўшчына на памежжы Аршаншчыны і Дубровеншчыны. Гэта якраз тое самае гістарычнае месца Аршанскай бітвы, якая адбылася ў 1514 годзе і скончылася перамогай войска Вялікага княства Літоўскага над Расейскім войскам. “Фэст адбудзецца пры любых умовах”, – кажуць тыя, хто сюды прыехалі.
У мінулыя гады былі спробы сарваць імпрэзу. Так, у 2007 годзе было абвешчана, што ў рэчцы Крапівенка знайшлі міны, і на звыклае месца людзей не прапусьцілі. Ад таго часу і пачаліся штогадовыя захады, каб не пускаць людзей на фэст. Тых, хто прыехаў, бывала, затрымлівалі на Аршанскіх вакзалах і нават штрафавалі за адсутнасьць флікераў у цёмны час сутак.
Напярэдадні сёлетняга сьвяткаваньня, як і летась, у Інтэрнэце пачалі зьяўляцца папярэджаньні, што ўдзельнікаў несанкцыянаванай імпрэзы могуць прыцягнуць да адміністрацыйнай адказнасьці. Камэнтар такога зьместу ад імя Аршанскага РАУС зьявіўся пад абвесткай пра фэст на інтэрнэт-сайце "Народныя навіны Віцебску". Калі ў Воршы вырашылі высьветліць, ці існуе нейкі адмысловы міліцэйскі загад, з гэтага нічога не атрымалася: актывісты патэлефанавалі ў Аршанскі райаддзел, начальніка не знайшлі, а тыя міліцыянты, да якіх дазваніліся, увогуле ня цямілі, пра што вядзецца гаворка.
Перад слухачамі на фэсьце ў розныя часы выступілі ці ня ўсе тутэйшыя аўтары-сьпевакі, пачынаючы ад Андрэя Мельнікава, які быў адным з заснавальнікаў фэсту. Імпрэза заўжды праходзіла ў фармаце народнага сьвята, і дазволу ў мясцовых уладаў ніхто ніколі не прасіў. Наведваюць фэст і вядомыя беларускія палітыкі. На Аршанскай бітве пабылі А.Мілінкевіч, П.Севярынец, а сёлета пасьля сустрэчы зь віцебскімі актывістамі на фэст выправіўся патэнцыйны кандыдат у прэзыдэнты ад партыі БНФ Рыгор Костусеў.
"Я хацеў наведаць гэтае гістарычнае, знакавае месца, каб, па-першае, аддаць даніну памяці тым змагарам за нашу зямлю, якія загінулі на гэтым полі, якія перамаглі на гэтым полі, – сказаў Р.Костусеў. – Па-другое, мне цікава сустрэцца з многімі людзьмі, якія неабыякава ставяцца да гэтых гістарычных дат, і з выканаўцамі бардаўскіх песень, пачуць іхныя творы.”
Фэст традыцыйна адбываецца недалёка ад вёскі Гацькаўшчына на памежжы Аршаншчыны і Дубровеншчыны. Гэта якраз тое самае гістарычнае месца Аршанскай бітвы, якая адбылася ў 1514 годзе і скончылася перамогай войска Вялікага княства Літоўскага над Расейскім войскам. “Фэст адбудзецца пры любых умовах”, – кажуць тыя, хто сюды прыехалі.
