Адзінаццатае верасьня, якое стала днём памяці і смутку, днём, калі над катлаванам, дзе стаялі вежы-блізьняты, гучаць імёны ўсіх двух тысяч сямсот пяцідзесяці двух загінуўшых, на гэты раз абяцае стаць днём эмоцый іншага роду. У двух кварталах ад месца, дзе зьбяруцца сваякі і сябры ахвяраў тэрарыстаў, дзе пройдзе памінальная служба, павінны сысьціся, па меншай меры, шэсьць груп мітынгуючых. Аб'ект гневу часткі дэманстрантаў - група мусульман, намер збудаваць непадалёк ад месца гібелі амаль трох тысяч чалавек ісламскі цэнтар з мячэцьцю. Другая частка мітынгоўцаў з ня меншай перакананасьцю гатовая стаць на абарону традыцыйнай амэрыканскай талерантнасьці, верацярпімасьці. І сярод тых і сярод іншых будуць сям'і загінуўшых.
Чытаць далей
