Горадня: у гаварыпраўдаўца сканфіскавалі 13000 асобнікаў “Газэты Някляева”

Наклад газэты канфіскавалі на лецішчы Зьмітра Бандарчука побач з Горадняй, склалі пратакол, самога актывіста адпусьцілі.

Міліцыянты двойчы сёньня праводзілі ператрус на кватэры ў актывіста кампаніі «Гавары праўду» Зьмітра Бандарчука. Увечары паехалі да яго на лецішча і там знайшлі наклад газэты.

Зьмітра Бандарчука затрымалі яшчэ а 10 гадзіне раніцы, калі ён ехаў у аўтамабілі. Цэлы дзень яго пратрымалі ў пастарунку.