Ініцыятарам "бою падушкамі" выступіла маладзёжнае грамадзкае аб'яднаньне "Гісторыка". Як адзначыў на прэсавай канфэрэнцыі актывіст арганізацыі Валянцін Сакалоўскі, у заяўках на правядзеньне "бою падушкамі" былі паказаныя чатыры магчымыя месцы правядзеньня акцыі: парк Дружбы Народаў, лесапаркавая зона побач з Нацыянальнай бібліятэкай, парк імя Янкі Купалы і парк 50-годзьдзя Кастрычніка.
"Каля месяца мы ўзгаднялі правядзеньне акцыі з рознымі зацікаўленымі органамі. Правядзеньне яе адобрылі Міністэрства культуры, аддзел культуры і аддзел ідэалёгіі Менгарвыканкама. Аднак, калі мы прыйшлі на сустрэчу з намесьнікам старшыні гарвыканкама Міхаілам Ціцянковым, ён нам заявіў: "Мерапрыемства -- дурное, я яго не разумею, таму маю намер яго забараніць ",-- цытуе Сакалоўскага БелаПАН.
Арганізатары атрымалі тры адмоўныя адказы на свае заяўкі, у якіх зазначаецца, што бой падушкамі "небясьпечны для жыцьця і здароўя ўдзельнікаў мерапрыемства" або будзе псаваць зялёныя насаджэньні ў месцы правядзеньня мерапрыемства.
Арганізатар "Баёў падушкамі" у 2009 годзе Андрэй Кім адзначыў, што акцыя, прымеркаваная да гадавіны бітвы пад Воршай, усё роўна адбудзецца 8 верасьня ў Менску:
"Мы зьменім фармат і месца правядзеньня мерапрыемства. Пакуль мы не агучваем гэтыя моманты, каб не атрымалася так, як падчас "бою падушкамі ", прысьвечанага гадавіне Грунвальдзкай бітвы, калі было затрымана больш за 200 чалавек", -- заявіў Кім.
"Каля месяца мы ўзгаднялі правядзеньне акцыі з рознымі зацікаўленымі органамі. Правядзеньне яе адобрылі Міністэрства культуры, аддзел культуры і аддзел ідэалёгіі Менгарвыканкама. Аднак, калі мы прыйшлі на сустрэчу з намесьнікам старшыні гарвыканкама Міхаілам Ціцянковым, ён нам заявіў: "Мерапрыемства -- дурное, я яго не разумею, таму маю намер яго забараніць ",-- цытуе Сакалоўскага БелаПАН.
Арганізатары атрымалі тры адмоўныя адказы на свае заяўкі, у якіх зазначаецца, што бой падушкамі "небясьпечны для жыцьця і здароўя ўдзельнікаў мерапрыемства" або будзе псаваць зялёныя насаджэньні ў месцы правядзеньня мерапрыемства.
Арганізатар "Баёў падушкамі" у 2009 годзе Андрэй Кім адзначыў, што акцыя, прымеркаваная да гадавіны бітвы пад Воршай, усё роўна адбудзецца 8 верасьня ў Менску:
"Мы зьменім фармат і месца правядзеньня мерапрыемства. Пакуль мы не агучваем гэтыя моманты, каб не атрымалася так, як падчас "бою падушкамі ", прысьвечанага гадавіне Грунвальдзкай бітвы, калі было затрымана больш за 200 чалавек", -- заявіў Кім.
