У сярэднім 84% дарослых людзей на сьвеце лічаць, што рэлігія адыгрывае важную ролю ў іхнім штодзённым жыцьці.
Гэтак вынікае з апытаньня, праведзенага сусьветнай сацыялягічнай службай "Гэлап" у 2009 годзе ў 114 краінах сьвету. Як у папярэдніх гадах, сацыёлягі "Гэлапа" апыталі па прыблізна 1000 чалавек у кожнай краіне, телефануючы рэспандэнтам або праводзячы зь імі сустрэчы.
Таксама як у папярэдніх гадах, "Гэлап" выявіў, што існуе выразная сувязь паміж узроўнем заможнасьці жыцьця ў дадзенай краіне і ступеньню рэлігійнасьці яе насельнікаў.
У 10 самых бедных краінах, з валавым унутраным прадуктам (ВУП) ніжэйшым за 5 тысяч даляраў на чалавека (Банглядэш, Нігер, Емэн, Інданэзія, Маляві, Шры Ланка, Самалі, Джыбуці, Маўрытанія, Бурундзі), у сярэднім 98% насельнікаў лічыць, што рэлігія адыгрывае важную ролю ў іхнім жыцьці.
Гэты самы паказьнік для багатых краінаў, у якіх ВУП на чалавека перавышае 25 тысяч даляраў, раўняецца 47%.
Але ёсьць і заўважныя выняткі з гэтага правіла.
У ЗША, адной з самых багатых краінаў на сьвеце, ажно 65% грамадзянаў прызнае важную ролю для рэлігіі ў сваім жыцьці.
Беларусь трапіла ў дзясятку краінаў, у якіх да рэлігіі прывязваюць параўнальна найменшае значэньне. У гэтых краінах ня больш чым адна трэцяя насельнікаў надае важнае значэньне рэлігіі ў сваім жыцьці:
Гэтак вынікае з апытаньня, праведзенага сусьветнай сацыялягічнай службай "Гэлап" у 2009 годзе ў 114 краінах сьвету. Як у папярэдніх гадах, сацыёлягі "Гэлапа" апыталі па прыблізна 1000 чалавек у кожнай краіне, телефануючы рэспандэнтам або праводзячы зь імі сустрэчы.
Таксама як у папярэдніх гадах, "Гэлап" выявіў, што існуе выразная сувязь паміж узроўнем заможнасьці жыцьця ў дадзенай краіне і ступеньню рэлігійнасьці яе насельнікаў.
У 10 самых бедных краінах, з валавым унутраным прадуктам (ВУП) ніжэйшым за 5 тысяч даляраў на чалавека (Банглядэш, Нігер, Емэн, Інданэзія, Маляві, Шры Ланка, Самалі, Джыбуці, Маўрытанія, Бурундзі), у сярэднім 98% насельнікаў лічыць, што рэлігія адыгрывае важную ролю ў іхнім жыцьці.
Гэты самы паказьнік для багатых краінаў, у якіх ВУП на чалавека перавышае 25 тысяч даляраў, раўняецца 47%.
Але ёсьць і заўважныя выняткі з гэтага правіла.
У ЗША, адной з самых багатых краінаў на сьвеце, ажно 65% грамадзянаў прызнае важную ролю для рэлігіі ў сваім жыцьці.
Беларусь трапіла ў дзясятку краінаў, у якіх да рэлігіі прывязваюць параўнальна найменшае значэньне. У гэтых краінах ня больш чым адна трэцяя насельнікаў надае важнае значэньне рэлігіі ў сваім жыцьці:
Эстонія | 16% |
Швэцыя | 17% |
Данія | 19% |
Японія | 24% |
Ганконг | 24% |
Вялікабрытанія | 27% |
Віетнам | 30% |
Францыя | 30% |
Расея | 34% |
Беларусь | 34% |