Міністэрства замежных спраў Расеі рэкамендавала расейскім грамадзянам устрымацца ад паездак у Грузію.
У апублікаваным сёньня на сайце расейскага МЗС камэнтары сьцьвярджаецца, што крымінальны перасьлед у Грузіі атрымліваюць ня толькі замежнікі, якія наведалі самаабвешчаныя рэспублікі Абхазію і Паўднёвую Асэтыю, але і многія іншыя грамадзяне Расеі. Расейцам, якія наведваюць Грузію прыватна, могуць, напрыклад, падкінуць зброю, фальшаваныя грошы ці наркотыкі, сфабрыкаваць супраць іх крымінальную справу і пасадзіць у турму, - сьцьвярджаюць ў МЗС Расіі.
Рэакцыя грузінскага боку на гэтыя заявы пакуль невядомая.