Былы грэцкі дыктатар Дзімітрыёс Яанідыс, які адбываў пажыцьцёвае турэмнае пакараньне, памёр сёньня ва ўзросьце 87 гадоў.
Яанідыс адыгрываў ключавую ролю ў ажыцьцяўленьні ваеннага перавароту ў Грэцыі ў 1967 годзе і ўсталяваньні дыктатуры, "чорных палкоўнікаў", якая была зрынутая ў 1974 года. Пасьля падзеньня дыктатуры Яанідыс за здраду радзіме быў асуджаны на сьмяротнае пакараньне. Пазьней прысуд быў заменены на пажыцьцёвае зьняволеньне.