Вайскоўцы ЗША распрацавалі плян ваеннага ўдару супраць Ірану, паведаміў ачольнік аб'яднаных штабоў ЗША Майк Малэн. Ён дадаў, што вайсковае рашэньне было і застаецца "на стале", як адзін з варыянтаў для прэзыдэнта ЗША Барака Абамы. У тэлеінтэрвію каналу NBC Малэн сказаў, што стварэньне Іранам ядзернай зброі, гэтак жа, як і патэнцыйны напад на яго, могуць спрычыніць "непажаданыя наступствы" ў гэтай "надзвычай нестабільнай частцы сьвету".