У Мэксыканскай затоцы часткова спынілі работы для ліквідацыі вялізнай нафтавай плямы – у сувязі з трапічным штормам “Алекс”, які пачаўся ў рэгіёне. Караблі, занятыя зьбіраньнем нафты, праз высокія хвалі і моцны вецер былі змушаныя вярнуцца ў парты на паўднёвым узьбярэжжы ЗША.
Абсталяваньне, пастаўленае спэцыялістамі кампаніі “BP” на аварыйнай падводнай сьвідравіне, дазваляе затрымліваць да 25 тысяч барэляў нафты за дзень. Сыноптыкі не выключаюць, што надвор’е ў раёне аварыі пагоршыцца: шторм “Алекс” можа перарасьці ў ураган.
Тым часам Вашынгтон пагадзіўся прыняць дапамогу 12 дзяржаваў для ліквідацыі наступстваў аварыі на нафтавай плятформе. Вядома, што адной з краінаў, чыю дапамогу прынялі Злучаныя Штаты, стала Японія – гэтая краіна паставіць дзьве высокатэхналягічныя прылады для збору нафты з паверхні затокі. Выцяканьне нафты ў Мэксыканскай затоцы доўжыцца ўжо больш за два месяцы.
Абсталяваньне, пастаўленае спэцыялістамі кампаніі “BP” на аварыйнай падводнай сьвідравіне, дазваляе затрымліваць да 25 тысяч барэляў нафты за дзень. Сыноптыкі не выключаюць, што надвор’е ў раёне аварыі пагоршыцца: шторм “Алекс” можа перарасьці ў ураган.
Тым часам Вашынгтон пагадзіўся прыняць дапамогу 12 дзяржаваў для ліквідацыі наступстваў аварыі на нафтавай плятформе. Вядома, што адной з краінаў, чыю дапамогу прынялі Злучаныя Штаты, стала Японія – гэтая краіна паставіць дзьве высокатэхналягічныя прылады для збору нафты з паверхні затокі. Выцяканьне нафты ў Мэксыканскай затоцы доўжыцца ўжо больш за два месяцы.