Лінкі ўнівэрсальнага доступу

Ад гіпэрмаркету — да газу


Андрус Кубілюс і Сяргей Сідорскі, чэрвень 2009
Андрус Кубілюс і Сяргей Сідорскі, чэрвень 2009

З удзелу ў адкрыцьці гандлёвага цэнтру ОМА ў сталічным мікрараёне Малінаўка (вуліца Напалеона Орды) пачаўся сёньняшні візыт у Беларусь кіраўніка ўраду Літвы Андруса Кубілюса. У пабудове гэтага гіпэрмаркету ўдзельнічалі фінскі холдынг KESKO і літоўскі Senukai.

Літоўскі прэм'ер прыбыў сёньня ў Менск на запрашэньне свайго беларускага калегі Сяргея Сідорскага. Аднак многія назіральнікі лічаць найважнейшым у гэтым візыце не кантакты двух прэм'ераў, а размову Андруса Кубілюса з Аляксандрам Лукашэнкам. У цэнтры яе стануць газавыя праблемы.

Літва, як вядома, вельмі цярпіць, калі Беларусь перакрывае заглушку на шляху транзытнага расейскага газу. Таму ў Клайпедзе цяпер будуюць тэрмінал для прыёму звадкаванага газу. Менавіта ён можа стаць альтэрнатывай расійскім энэрганосьбітам. Эўрапейскія краіны цяпер набываюць звадкаваны газ у Катары па цане 174—176 даляраў.

А 13-й гадзіне ў амбасадзе Літвы Андрус Кубілюс сустракаецца з прадстаўнікамі палітычнай апазыцыі і грамадзянскай супольнасьці Беларусі.

Перад ад'ездам на радзіму літоўская дэлегацыя наведае Чэрвень, дзе будзе ўшанавана памяць ахвяраў сталінскага рэжыму.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG