Вось як апісвае гэтыя падзеі на сайце Resurs.by удзельнік падзеяў: "Знаходзячыся ў раёне цырка я знайшоў борт № 635, які стаяў на тратуары без прымяненьня спэцсыгналаў і, як вынік, з парушэньнем пункту 14 арт. 143 ПДР. Я вырашыў я гэта бязладзьдзе зьняць на камэру. Убачыўшы мой парыў фатографа ў імкненьні сфатаграфаваць патрульны аўтамабіль, інспэктар, мякка кажучы, абурыўся. Паспрабаваў нават жазлом выбіць камэру з рук, забараняючы зрабіць здымкі, матывуючы гэта сваёй нефотагенічнасьцю і тым што здымка незаконная, не аргумэнтаваўшы гэта якім-небудзь нарматыўным дакумэнтам, які б забараняў такую здымку".
Пасьля чаго фатограф быў дастаўлены ў Цэнтральнае РУУС для складаньня пратаколу аб адміністратыўным парушэньні.
Больш падрабязна пра акалічнасьці справы можна пачытаць на сайце ТУТ і ТУТ, дзе выкладзеныя іншыя фатаграфіі, уключаючы перапіску з пракуратурай, а таксама відэакадры зь месца падзеяў.
Шаноўныя чытачы, шмат цікавага часам адбываецца там, дзе нас няма, але ёсьць таленавітыя калегі-прафэсіяналы ці проста аматары з відэа- ці фатакамэрай. Пад новай рубрыкай будуць зьяўляцца матэрыялы зь іншых СМІ і блогасфэры, якія, на нашу думку, могуць быць цікавыя вам. Прысылайце прапановы – што варта апублікаваць на сайце svaboda.org – cвабода не бывае чужой!