Першым у Менску зьявіўся Мікалай Патрушаў. У размове зь ім Аляксандар Лукашэнка ізноў паўтарыў сваю нязьменную тэзу пра тое, што ў Расеі на заходнім рубяжы ёсьць надзейны сябар — Беларусь:
"Тут на заходніх рубяжах у рускага чалавека ёсьць надзейная апора і ёсьць надзейныя сябры. І ў якіх бы абставінах мы ні знаходзіліся і ні працавалі, мы заўжды былі і будзем разам".
Абставіны ў апошнія дні і сапраўды моцна зьмяніліся. Расея патрабуе выплаты доўгу за скарыстаны газ, абмяжоўвае пастаўкі для Беларусі. Для афіцыйнага Менску гэта вялікая праблема. Што і прызнаў сёньня Аляксандар Лукашэнка, калі казаў сакратару Рады бясьпекі Расеі:
"Калі б нашы грамадзянскія ведамствы мелі такія стасункі і вынікі супольнай працы, як Міністэрствы замежных спраў і асабліва абароны, бясьпекі, то ў нас не было б ніякіх праблем".
Ні Мікалай Патрушаў, ні яго беларускі калега Леанід Мальцаў, які таксама прысутнічаў на сустрэчы з Аляксандрам Лукашэнкам, ніякіх гучных заяваў пасьля яе заканчэньня не зрабілі. Спадар Мальцаў толькі паведаміў, што сакратарыяты Рад бясьпекі цяпер будуць зацьвярджаць плян супольных дзеяньняў. А Мікалай Патрушаў казаў, што размова ішла пра тое, як лепш супрацьстаяць пагрозам і як гэтаму запабегчы.
Менскі палітоляг Андрэй Фёдараў называе сёньняшнюю сустрэчу звычайнай:
Андрэй Фёдараў"Іх было ўжо шмат, і звычайна яны вельмі падобныя адна да адной. Усе кажуць, што тут супрацоўніцтва ідзе больш плённа і актыўна, чым у іншых галінах. Паўтараюць, што ёсьць пагрозы для бясьпекі абедзьвюх краін, хаця апошнім часам, як я разумею, крыніцы небясьпекі не называюцца.
Таму, падаецца, на сёньняшняй падставе рабіць высновы пра нейкія іншыя праблемы не выпадае. Тэматыка перамоваў — традыцыйная і звыклая. І нічога асаблівага я тут ня бачу".
Сяргей Лаўроў свае меркаваньні наконт газавага канфлікту выказаў сёньня яшчэ ў Маскве. Ён сказаў, што гэты канфлікт не ўваходзіць у кампэтэнцыю МЗС. Кіраўнік зьнешнепалітычнага ведамства дадаў, што Расея на перамовах зь Беларусьсю пра газавае пытаньне будзе сыходзіць толькі з тых дамоўленасьцяў, якія ўжо існуюць. "Дыялёг грунтуецца на падпісаных кантрактах, і, мне падаецца, тут не павінна быць непаразуменьняў", — адзначыў Сяргей Лаўроў.
Афіцыйны прадстаўнік МЗС Расеі Андрэй Несьцярэнка сказаў, што візыт Сяргея Лаўрова носіць працоўны характар у рамках рэгулярнага дыялёгу, які вядуць міністэрствы замежных спраў абедзьвюх краін.
У Менску зьвяртаюць увагу на тое, што візыт міністра замежных спраў Расеі не зьяўляецца нечаканым. Ён быў заплянаваны задоўга да абвастрэньня газавага канфлікту.
Чакаецца, што Сяргей Лаўроў прыляціць у Менск увечары. Афіцыйнага пацьверджаньня яго сустрэчы з Аляксандрам Лукашэнкам пакуль няма.
"Тут на заходніх рубяжах у рускага чалавека ёсьць надзейная апора і ёсьць надзейныя сябры. І ў якіх бы абставінах мы ні знаходзіліся і ні працавалі, мы заўжды былі і будзем разам".
Абставіны ў апошнія дні і сапраўды моцна зьмяніліся. Расея патрабуе выплаты доўгу за скарыстаны газ, абмяжоўвае пастаўкі для Беларусі. Для афіцыйнага Менску гэта вялікая праблема. Што і прызнаў сёньня Аляксандар Лукашэнка, калі казаў сакратару Рады бясьпекі Расеі:
"Калі б нашы грамадзянскія ведамствы мелі такія стасункі і вынікі супольнай працы, як Міністэрствы замежных спраў і асабліва абароны, бясьпекі, то ў нас не было б ніякіх праблем".
Ні Мікалай Патрушаў, ні яго беларускі калега Леанід Мальцаў, які таксама прысутнічаў на сустрэчы з Аляксандрам Лукашэнкам, ніякіх гучных заяваў пасьля яе заканчэньня не зрабілі. Спадар Мальцаў толькі паведаміў, што сакратарыяты Рад бясьпекі цяпер будуць зацьвярджаць плян супольных дзеяньняў. А Мікалай Патрушаў казаў, што размова ішла пра тое, як лепш супрацьстаяць пагрозам і як гэтаму запабегчы.
Менскі палітоляг Андрэй Фёдараў называе сёньняшнюю сустрэчу звычайнай:
Таму, падаецца, на сёньняшняй падставе рабіць высновы пра нейкія іншыя праблемы не выпадае. Тэматыка перамоваў — традыцыйная і звыклая. І нічога асаблівага я тут ня бачу".
Сяргей Лаўроў свае меркаваньні наконт газавага канфлікту выказаў сёньня яшчэ ў Маскве. Ён сказаў, што гэты канфлікт не ўваходзіць у кампэтэнцыю МЗС. Кіраўнік зьнешнепалітычнага ведамства дадаў, што Расея на перамовах зь Беларусьсю пра газавае пытаньне будзе сыходзіць толькі з тых дамоўленасьцяў, якія ўжо існуюць. "Дыялёг грунтуецца на падпісаных кантрактах, і, мне падаецца, тут не павінна быць непаразуменьняў", — адзначыў Сяргей Лаўроў.
Афіцыйны прадстаўнік МЗС Расеі Андрэй Несьцярэнка сказаў, што візыт Сяргея Лаўрова носіць працоўны характар у рамках рэгулярнага дыялёгу, які вядуць міністэрствы замежных спраў абедзьвюх краін.
У Менску зьвяртаюць увагу на тое, што візыт міністра замежных спраў Расеі не зьяўляецца нечаканым. Ён быў заплянаваны задоўга да абвастрэньня газавага канфлікту.
Чакаецца, што Сяргей Лаўроў прыляціць у Менск увечары. Афіцыйнага пацьверджаньня яго сустрэчы з Аляксандрам Лукашэнкам пакуль няма.
