Лінкі ўнівэрсальнага доступу

Расея спадзяецца, што Беларусь заплаціць


Сяргей Шматко

Міністэрства энэргетыкі Расеі Сяргей Шматко выказаў спадзяваньне, што «Газпрому» не давядзецца ўжываць санкцыі да Беларусі. Пра гэта С.Шматко заявіў сёньня на міжнародным эканамічным форуме ў Санкт-Пецярбургу.


«Я выказваю свой аптымістычны пункт гледжаньня на тое, што беларускія калегі змогуць выканаць свае кантрактныя абавязацельствы і разьлічыцца з «Газпромам». І не будзе ніякай неабходнасьці ва ўжываньні прадугледжаных кантрактам санкцый з боку «Газпрома», — цытуе Шматко РИА Новости.

Паводле яго ў выпадку прыняцьця рашэньня аб абмежаваньні паставак газу ў Беларусь расейскі бок будзе зыходзіць з таго, што трэба забясьпечыць усю неабходную жыцьцядзейнасьць прамысловых аб’ектаў.

У сваю чаргу намесьнік кіраўніка «Газпрома» Валер Голубеў заявіў журналістам, што Беларусь абяцае разьлічыцца з даўгамі за пастаўкі расійскага газу. «Кожны дзень абяцаюць заплаціць», — паведаміў ён. Ён не назваў магчымы аб’ём скарачэньня паставак газу ў выпадку непагашэньня даўгоў (у 2007 годзе ў жніўні “Газпром” пагражаў скарачэньнем паставак на 45% – роўна на тую долю, якую не аплачвала Беларусь). «Ды што вы перажываеце, яны возьмуць і заплацяць. Усё даведаецеся 21 чэрвеня», — запэўніў намесьнік кіраўніка “Газпрома”.

У сваю чаргу Міністэрства замежных справаў Беларусі не лічыць чарговы газавы канфлікт з Расеяй палітычным. Пра гэта заявіў на брыфінгу ў Менску 17 чэрвеня прэсавы сакратар беларускага зьнешнепалітычнага ведамства Андрэй Савіных.

”Я не назваў бы гэта разгараецца канфлікт – сказаў ён. – Гаворка ідзе аб урэгуляваньні кантрактных адносінаў у рамках дзейнасьці двух гаспадарчых суб'ектаў”.

Выказваньне прэс-сакратара МЗС стала першай афіцыйна агучанай рэакцыяй Менску на сытуацыю з аплатай расійскага газу.

Ваша меркаваньне

Паказаць камэнтары

XS
SM
MD
LG