Памер дапамогі па доглядзе за дзіцем у Беларусі, як і ў іншых краінах СНД, залежыць ад пражытковага мінімуму. У 2008 годзе гэтая дапамога была павялічаная да 80% ад памеру БПМ і складае сёлета 250 тысяч рублёў. Нягледзячы на тое, што ў Беларусі зараз дзейнічае Нацыянальная праграма дэмаграфічнай бясьпекі на 2006—2010 гады, а таксама праграма «Дзеці Беларусі», нешматлікія дадатковыя выплаты і падаткавыя льготы сёлета былі скасаваныя. Няма нават тых 50 тысяч, якія атрымлівалі менчукі «на пампэрсы».
Калі параўнаць краіны-суседкі Беларусі, то найлепшыя ўмовы ў Расеі: праграма «Мацярынскі капітал» дазваляе забясьпечыць будучыню дзіцяці. Сёлета адбыліся значныя зрухі ў сацыяльнай палітыцы Ўкраіны — павялічаныя аднаразовыя выплаты пры нараджэньні. Наяўнасьць штомесячных «дэкрэтных» — перавага Беларусі ў параўнаньні з Польшчай, дзе, да таго ж, адпачынак па догляду за дзіцем складае ўсяго 6 месяцаў.
Калі параўнаць краіны-суседкі Беларусі, то найлепшыя ўмовы ў Расеі: праграма «Мацярынскі капітал» дазваляе забясьпечыць будучыню дзіцяці. Сёлета адбыліся значныя зрухі ў сацыяльнай палітыцы Ўкраіны — павялічаныя аднаразовыя выплаты пры нараджэньні. Наяўнасьць штомесячных «дэкрэтных» — перавага Беларусі ў параўнаньні з Польшчай, дзе, да таго ж, адпачынак па догляду за дзіцем складае ўсяго 6 месяцаў.
| Краіна | Аднаразовая дапамога пры нараджэньні дзіцяці | Грашовая дапамога падчас выхаваньня дзіцяці | Іншыя віды дапамогі (выключаючы шматдзетныя сем’і) |
| Беларусь | 417 даляраў | 83 даляры | Бясплатныя лекі да 3-х гадоў |
| Украіна | 1545 даляраў (757 выдаецца адразу, астатняя сума выплачваецца штомесяц) | 76 даляраў | 13 даляраў штомесяц да 3-х гадоў даплочвае Сацстрах |
| Польшча | 302 даляры | 20 тыдняў дэкрэтнага адпачынку аплочваюцца 100% як заробак | Дадатковыя выплаты пры нараджэньні ад мясцовых адміністрацый. Ільготы на сплату падаткіаў |
| Расея | 358 даляраў | Мінімальны памер дапамогі — 67 даляраў | Жыхары Масквы атрымліваюць гарадзкія кампэнсацыйныя выплаты па нараджэньні дзіцяці — ад 179 даляраў. «Мацярынскі капітал» — налічваецца на другога і наступных дзяцей у памеры 11 тысяч 170 даляраў: нельга атрымаць на рукі, можна пералічваць на аплату адукацыі, пэнсію жанчыне, будоўлю і г.д. |
