Лінкі ўнівэрсальнага доступу

Менск не пагаджаецца з нафтавымі пошлінамі


Беларускі бок на сустрэчы кіраўнікоў урадаў краін Мытнага саюза будзе настойваць на адмене мытных пошлін на нафту і нафтапрадукты ў рамках аб'яднаньня, у якое ўваходзяць Расея, Казахстан і Беларусь.


Пра гэта паведаміла прэсавая служба А. Лукашэнкі. 21 траўня ў Санкт-Пецярбургу адбудзецца сустрэча прэм'ер-міністраў краін СНД і ЭўрАзЭС, у тым ліку і ў фармаце вышэйшага органа Мытнага саюза.

Прэсавая служба А. Лукашэнкі заявіла, што ёсьць шэраг пытаньняў, па якіх беларускі бок будзе адстойваць прынцыповую пазыцыю. Гэта тычыцца найперш адмены пошлін на нафту і нафтапрадукты ў межах Мытнага саюза.

Апрача таго А. Лукашэнка даручыў С. Сідорскаму адстойваць пазыцыю Беларусі адносна ўмоў увозу фізычнымі асобамі легкавых аўтамабіляў у межах Мытнага саюза. Паводле інфармацыі прэсавай службы А. Лукашэнкі, пазыцыя беларускага боку заключаецца ў тым, каб захаваць ранейшыя мытныя пошліны або прыняць узважанае рашэньне і зрабіць іх такімі, каб яны задавольвалі ўсе тры дзяржавы Мытнага саюза.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG