На Алтаі абвясьцілі галодны страйк

Каля 160 рабочых з алтайскіх прадпрыемстваў, што на поўдні Сібіры, абвясьцілі галадоўку ў сувязі з тым, што цягам некалькі месяцаў не атрымлівалі заробкаў. Так, працаўнікі Алтайскага трактарнага заводу сьцьвярджаюць, што ім ня плацяць грошай ад сьнежня мінулага году, падае "Інтэрфакс".

Паводле афіцыйных прадстаўнікоў страйкоўцаў, галадоўка можа быць працяглай. Рабочым абяцалі ліквідаваць запазычанасьць па заробках яшчэ ў сакавіку.