Сэнат казахскага парлямэнту разгледзіць сёньня законы аб наданьні Нурсултану Назарбаеву статусу лідэра нацыі. Напярэдадні ніжняя палата ўжо ўхваліла адпаведныя дакумэнты. Цяперашні тэрмін прэзыдэнцкіх паўнамоцтваў Назарбаева, якому ў ліпені гэтага году спаўняецца 70 гадоў, заканчваецца ў 2012 годзе. У 2007 годзе парлямэнт надаў Назарбаеву як першаму прэзыдэнту незалежнага Казахстану права балятавацца на вышэйшую дзяржаўную пасаду ў краіне неабмежаваную колькасьць разоў.