Лінкі ўнівэрсальнага доступу

У ЭЗ разглядаюць бязьвізавы рэжым з усходнімі суседзямі


Гэта пытаньне кіраўнікі МЗС краін Эўразьвязу разглядалі ў панядзелак у Брусэлі, падае інтэрнэт-выданьне EUobserver. Не выключаецца, што першы крок у гэтым накірунку будзе зроблены ў дачыненьні да Расеі на маючым адбыцца 31 траўня саміце Расея-ЭЗ у Растове-на-Доне.

Пра гэта ў размове зь нямецкім агенцтвам DPA паведаміў міністар замежных спраў Фінляндыі Аляксандар Стуб. Ён заявіў, што Нямеччына падтрымлівае гэтую ідэю. Паводле Стуба, візавае пытаньне – ключавое ў растоўскай сустрэчы.

Тым часам кіраўнік МЗС Польшчы Радаслаў Сікорскі адзначыў, што ЭЗ не павінен пакінуць за бортам шэсьць постсавецкіх краін – удзельніц праграмы “Усходняе партнэрства ", якое ахоплівае Беларусь, Украіну, Малдову, Армэнію, Азэрбайджан і Грузію.

"Палітычны імпульс для актывізацыі візавага дыялёгу павінен быць аднолькавым як для Расеі, так і шасьці краін "Усходняга партнэрства ", і мы будзем адстойваць гэта. Візавая палітыка не можа рабіцца насуперак нашым зьнешнепалітычным заявам", заявіў польскі міністар.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG