Спэцыяльны цягнік лідэра Паўночнай Карэі Кім Чэн Іра прыбыў да мяжы з Кітаем. Гэта можа сьведчыць пра візыт кіраўніка КНДР да свайго паўночнага суседа. Дакладных зьвестак, аднак пакуль няма.
Камуністычны Кітай зьяўляецца галоўным саюзьнікам Пхэньяну. Па непацьверджаных зьвестках Паўночная Карэя, якая перажывае цяжкі эканамічны крызіс і ціск з боку міжнароднай супольнасьці, зьвярталася да Пэкіну па фінансавую дапамогу.