Сёньня ўжо можна дакладна казаць: першапачатковым амбіцыям апазыцыі не давядзецца спраўдзіцца. На самым пачатку выбарчай кампаніі яе лідэры зьбіраліся «закрыць» ня менш за 10% усіх акруг. А гэта значыць — прэтэндаваць на больш за дзьве тысячы мандатаў.
Пакуль жа можна казаць, што толькі прыкладна 500 вылучэнцаў застаюцца ў шэрагах. Сустаршыня аргкамітэту ў справе стварэньня партыі Беларускай хрысьціянскай дэмакратыі Павал Севярынец называе канкрэтныя лічбы стратаў і тлумачыць, чаму так атрымалася:
І з 173 чалавек засталося толькі 82. Гэта тыя, каго зарэгістравалі».
Спадар Севярынец кажа: найбольш прычэпак было на этапе рэгістрацыі кандыдатаў:
«Некалькі нашых вылучэнцаў дапусьцілі сур’ёзныя памылкі і былі незарэгістраваныя з-за сваёй віны. Але ўсе астатнія, а гэта прыкладна 80 чалавек, былі незарэгістраваныя незаконна».
«Я магу назваць чатыры лічбы: 1000 — гэта наш патэнцыял. Столькі мы маглі б вылучыць на нармальных выбарах. Папярэдні сьпіс быў на 300 чалавек. Пайшлі на рэгістрацыю і прайшлі яе 100. А засталося ўсяго каля 30. Вось такі раскід паміж лічбамі — ад 1000 да 30 — сьведчыць пра поўны крызіс выбарчай сыстэмы. Яна ў нас фактычна савецкая».
«За тры дні датэрміновага галасаваньня ў рэспубліцы прагаласавалі 15% выбарцаў».
Гэта на 2,6% болей, чым было за тыя ж тры дні папярэдніх мясцовых выбараў у студзені 2007 году.
