У Брытаніі адбыўся другі раўнд перадвыбарчых тэледэбатаў лідэраў трох вядучых партый. Галоўнай іх тэмай стала вонкавая палітыка.
Адрозна ад першага раўнду дэбатаў, пераможцам якіх, паводле апытаньняў, стаў прадстаўнік лібэрал-дэмакратаў Нік Клэг, другія дэбаты ня выявілі яўнага лідэра.
Паводле дадзеных аднаго з экспрэс-апытаньняў грамадзкай думкі, праведзенага адразу пасьля дэбатаў, больш пераканаўча выглядаў лідэр кансэрватараў Дэйвід Кэмэрон. Іншае апытаньне аддае перавагу Клэгу.
Парлямэнцкія выбары ў Вялікабрытаніі пройдуць 6 траўня.