Кіраўнік прэсавай службы прэзыдэнта Беларусі Павал Лёгкі на гэтае пытаньне адказаў наступным чынам:
"У мяне такой інфармацыі няма. Таму нічога на гэты конт не магу сказаць. Магу сказаць, што сёньня ў нас працоўны дзень, прэзыдэнт ажыцьцяўляе працоўную паездку па Менскай вобласьці. Магу паведаміць, што з нашага боку было выказана спачуваньне, а па-другое, польскі бок зьвяртаўся да нас з просьбай аб аказаньні дапамогі. Прэзыдэнт даў распараджэньне за кошт беларускага боку, за кошт нашага бюджэту аказаць усю неабходную дапамогу ў тым аб'ёме, у якім польскі бок папросіць. Наколькі мне вядома, такая дапамога была аказаная, гэта тычылася прыёму спэцсамалётаў з Польшчы".
Павал Лёгкі ня змог таксама паведаміць, ці мае А. Лукашэнка наведаць амбасаду Польшчы ў Менску, як прынята ў такіх трагічных выпадках.
