Валеры Мікулка — студэнт гарадзенскага Аграрнага ўнівэрсытэту, удзельнічае ў руху “За свабоду”, жыве ў інтэрнаце. Участковы сказаў, што ўчора ён нібыта паказаў на вуліцы міліцыянтам “зьняважлівы знак”.
Нам ён патлумачыў, што спыніўся на машыне перад сьвятлафорам, ззаду пачалі сыгналіць міліцыянты, але ён ня мог ехаць, бо перад ім была таксама машына. За скрыжаваньнем яго спынілі, сказалі зьехаць на ўзбочыну і паказаць дакумэнты. Валеры Мікулка адмовіўся, спаслаўшыся на тое, што гэта могуць патрабаваць супрацоўнікі ДАІ, да якой не належалі міліцыянты, якія яго спынілі, кажа ён.
