НАДВОР’Е:
Воблачна з праясьненьнямі. Ноччу, месцамі днём на большай частцы тэрыторыі краіны кароткачасовыя дажджы. Тэмпэратура ноччу плюс 2—8°С, днём плюс 9—14°С
НЕ ПРАХОДЗІЦЕ МІМА:
У Палацы мастацтва ў Менску пройдзе сьвяточная вечарына ў гонар 100-годзьдзя сусьветна вядомага навукоўца Барыса Кіта. На яе запрошаныя прадстаўнікі беларускай навукі і культуры, беларускай дыяспары і ўладаў краіны, амбасадары шэрагу дыпмісій, у тым ліку Нямеччыны, ЗША, Украіны і Швэцыі.
ТАМ, ДЗЕ НАС НЯМА:
Генэральны сакратар ААН Пак Гі Мун наведае Казахстан.
ТАКСАМА Ў ГЭТЫ ДЗЕНЬ НАРАДЗІЛІСЯ:
1475: Мікэлянджэла Буанароцьці, скульптар, мастак і архітэктар часу Адраджэньня
1874 : Мікалай Бярдзяеў, расейскі філёзаф
1909 : Станіслаў Ежы Лец, польскі сатырык, паэт і афарыст
1926 : Анджэй Вайда, польскi рэжысёр
1928: Габрыэль Гарсія Маркэс, калюмбійскі пісьменьнік, ляўрэат Нобэлеўскай прэміі
1937: Валянціна Церашкова, першая жанчына-касманаўт
ЁСЬЦЬ НАГОДА:
Аўстралія сьвяткуе дзень працы, Літва – Дзень сьвятога Казіміра, а Мексіка – Дзень Алама
1869 Дз. Мендзялееў публічна прадставіў сваю пэрыядычную сыстэму элемэнтаў.
1899 Зарэгістравана гандлёвая марка "асьпірын".
1902: Заснаваны футбольны клюб "Рэал Мадрыд"
1990: у Беларусі было створанае Згуртаваньне беларусаў сьвету "Бацькаўшчына".
МІНУС 365:
Год таму на сайце Свабоды: Аляксандар Лукашэнка адправіў у адстаўку міністра ўнутраных справаў Уладзімера Навумава, якога краіны Эўразьвязу і ЗША падазраюць у датычнасьці да спраў зьніклых.
ЦЫТАТА НА ПАМЯЦЬ:
“Уявім сабе, што ты прабіў ілбом сьцяну. І што ты будзеш рабіць у суседняй камэры?”
Станіслаў Ежы Лец, польскі пісьменьнік