Лінкі ўнівэрсальнага доступу

У Андруся Крэчкі канфіскавалі сьцягі


Андрэй Крэчка

Напярэдадні акцыі з нагоды Дня Волі ў кіраўніка "Моладзі БНФ" Андруся Крэчкі канфіскавана 20 бел-чырвона-белых сьцягоў памерам два на адзін мэтар і 500 папяровых сьцяжкоў з сымболікай арганізацыі і гербам "Пагоня".


Крэчка паведаміў БелаПАН, што інцыдэнт адбыўся 24 сакавіка на вуліцы Карбышава ў Менску. Аўтамабіль, у якім знаёмы перадаваў яму сьцягі, адчынілі два супрацоўнікі міліцыі — у форме і ў цывільным.

"Яны заявілі, што я прадаю свайму суразмоўцу мабільны тэлефон, хаця насамрэч гэта была ўсяго толькі зачэпка. Сьцягі канфіскавалі без складаньня пратакола. Мне прапанавалі раніцай зьявіцца ў Цэнтральнае РУУС", — сказаў актывіст.

Прыкладна ў гэты ж час у кватэру, дзе жыве Крэчка, прыйшлі супрацоўнікі спэцслужбаў з позвай у суд на 9 гадзін раніцы 25 сакавіка.

Крэчка сказаў карэспандэнту “Свабоды”, што не пайшоў у суд, бо позвы не падпісваў. Ён мяркуе, што калі б пайшоў у суд, то “маглі б зрабіць так, каб я не пайшоў на акцыю, тым больш, суд можа адбыцца без маёй прысутнасьці”.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG