ЗРАНКУ...
....хмарна, але пасьля абеду выгляне сонца. Тэмпэратура: +2 — +8 С.
НЕ ПРАХОДЗЬЦЕ МІМА:
У Менску адбудзецца маніфэстацыя з нагоды Дня Волі. Збор людзей а 18:00 каля будынка Нацыянальнай акадэміі навук.
Намесьнік старшыні Кітайскай Народнай Рэспублікі Сі Цзіньпін зь візытам у Менску.
ТАМ ДЗЕ НАС НЯМА:
Брытанская праваабарончая арганізацыя Index of Censorship у Лёндане ўручае штогадовыя ўзнагароды за свабоду выказваньня.
У Брусэлі пачынаецца двухдзённы саміт Эўразьвязу.
У Маскве зьбіраецца Рада міністраў замежных справаў Арганізацыі дамовы аб калектыўнай бясьпецы.
ТАКСАМА Ў ГЭТЫ ДЗЕНЬ:
У 1821 Грэцыя дамаглася незалежнасьці пасьля амаль 400 гадоў турэцкай акупацыі.
У 1918 годзе ў Менску была абвешчаная Беларуская Народная Рэспубліка. З тых часоў і да сёньня 25 Сакавіка – найважнейшае нацыянальнае сьвята сьвядомых беларусаў ва ўсім сьвеце.
ЁСЬЦЬ НАГОДА:
Дзень Волі.
МІНУС 365:
Год таму на сайце Свабоды: "Дзень Волі – 2009. Відэарэпартажы".
ЦЫТАТА НА ПАМЯЦЬ:
"Цяпер мы, Рада Беларускай Народнай Рэспублікі, скідаем з роднага краю апошняе ярмо дзяржаўнай залежнасьці, якое гвалтам накінулі расійскіе цары на наш вольны і нізалежны край. Ад гэтага часу Беларуская Народная Рэспубліка абвешчаецца Нізалежнай і Вольнай Дзяржавай. Самі народы Беларусі, у асобі свайго Ўстаноўчага Сойму, пастановяць аб будучых дзяржаўных зьвязях Беларусі" — З Трэцяй Устаўнай граматы Рады Беларускай Народнай Рэспублікі, Менск, 25 сакавіка 1918 году.
