Яго звальненьне афіцыйныя крыніцы не камэнтуюць.
На прэсавай канфэрэнцыі старшыні Магілёўскага аблвыканкаму Пятра Рудніка згадвалі звальненьне шэрагу дзяржаўных службоўцаў структуры выканаўчай улады:
“Ёсьць закон “Аб дзяржаўнай службе”. У ім гаворыцца, што калі ёсьць факты, якія супярэчаць функцыям дзяржаўнага службоўцы, то зь ім скасоўваецца кантракт. Значыць такія факты былі. Ці чакаюцца падобныя адстаўкі далей, я вам скажу так, як кажа наш кіраўнік дзяржавы: “У любой справе павінен быць вынік станоўчы, калі выніку няма, то сам прасіся ў адстаўку з панурай галавой. Іншага выйсьця няма. Асабліва тады, калі ў сьвеце бушуе цяжкі эканамічны крызіс”.
“Летась восеньню Віктар Шорыкаў напісаў заяву па стане здароўя. І яе задаволілі. Фактамі гэтага году я, да жалю, не валодаю, паколькі праводзілася праверка адміністрацыяй кіраўніка дзяржавы. І па выніках гэтай праверкі было прынятае рашэньне”, – цытуюць Пятра Рудніка дзяржаўныя СМІ.
Факт звальненьня Шорыкава пацьвердзілі ў Фондзе сацыяльнай абароны насельніцтва Міністэрства працы й сацыяльнай абароны. Супрацоўніца фонду паведаміла, што з Шорыкавым скасавалі кантракт па згодзе бакоў у сувязі зь яго хваробай.
Віктар Шорыкаў да прызначэньня на пасаду начальніка абласной управы фонду сацыяльнай абароны насельніцтва больш за сем гадоў старшыняваў у Магілёўскім гарвыканкаме. На гэтую пасаду яго прызначылі ў сакавіку 2002 году. Звольнілі – 8 сьнежня 2009 году.
Акрамя звальненьня Шорыкава вядома, што 15 сакавіка з пасады кіраўніка адміністрацыі Кастрычніцкага раёну быў зьняты Яўген Лебедзеў. На гэтую пасаду яго прызначылі са згоды Аляксандра Лукашэнкі 26 сьнежня 2003 году.
