“Такія дакумэнты — сур’ёзная крыніца для розных структураў. Нездарма на леташнюю справаздачу Дзярждэпартамэнту ЗША спасылаўся Эўрапейскі суд па правах чалавека ў справе актывіста Коктыша, калі вырашалася, ці можна дэпартаваць яго з Украіны ў Беларусь”, — згадаў Алег Гулак.
Ці прыслухаецца беларуская ўлада да крытыкі Дзярждэпартамэнту ЗША? Паводле Алега Гулака, вельмі рэдка пэўная краіна, якая фігуруе ў падобных штогадовых справаздачах, адразу прызнае свае недахопы і хутка іх выпраўляе, але ў выніку “нейкія выпраўленьні магчымы і ў Беларусі”.
“Урэшце такія справаздачы робяць пэўны ўнёсак у агульны ўплыў на сытуацыю з правамі чалавека ў Беларусі. Цяпер мы хоць маем падставы абмяркоўваць, ёсьць у нас лібэралізацыя ці няма. Раней і пытаньня такога не паўставала”, — мяркуе Алег Гулак.
Як ставяцца да справаздачы Дзярждэпу ЗША ў Палаце прадстаўнікоў?
Намесьнік старшыні камісіі правоў чалавека, нацыянальных адносінаў і мэдый Анатоль Глаз адмовіўся яе камэнтаваць, прызнаўшы, што яшчэ не знаёміўся з тэкстам справаздачы і плянуе гэта зрабіць, калі вернецца з замежнай камандзіроўкі:
У Міністэрстве замежных спраў Беларусі ня сталі камэнтаваць справаздачу Дзярждэпартамэнту ЗША пра стан правоў чалавека ў сьвеце.
