Лінкі ўнівэрсальнага доступу

У Расеі аднавіліся пошукі беларускіх турыстаў


Сёньня ў Мурманскай вобласьці адноўленыя пошукі беларусаў, якіх 8 сакавіка накрыла сьнежная лявіна.


3 сакавіка група з шасьці берасьцейскіх турыстаў выправілася ў пешы маршрут на лыжах па горным хрыбце Хібіны. Паводле расейскіх выратавальнікаў, беларусы не зарэгістраваліся ў Мурманскім пошукавым атрадзе, як таго патрабуюць нормы бясьпекі.

Як кажуць сьведкі здарэньня, у сярэдзіне дня 8 сакавіка адбыўся сход сьнежнай лявіны, якая пахавала пад сабой чатырох чалавек – пад сьнегам апынуліся два хлопцы і дзьве дзяўчыны. Двум турыстам удалося ўратавацца. Спачатку яны спрабавалі самастойна знайсьці сваіх таварышаў, аднак урэшце вымушаныя былі зьвярнуцца па дапамогу.

Пошукавая апэрацыя, якая пачалася напярэдадні, была прыпыненая з-за цемры і дрэннага надвор’я – у раёне надзвычайнага здарэньня дуе моцны вецер, ідзе сьнег, а тэмпэратура панізілася да 25 градусаў ніжэй нуля. Сёньня на месца сходу лявіны кінутая дадатковыя сілы мясцовага аддзелу Міністэрства надзвычайных здарэньняў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG