Лінкі ўнівэрсальнага доступу

Расея адмовілася абмяркоўваць умовы экспарту нафты


Нафтаперапрацоўчае прадпрыемства "Нафтан", Наваполацак
Нафтаперапрацоўчае прадпрыемства "Нафтан", Наваполацак

Фэдэральная мытная служба Расеі адмовілася ад правядзеньня зь Дзяржаўным мытным камітэтам Беларусі перамоваў, каб спрасьціць працэдуру перамяшчэньня нафты і нафтапрадуктаў.


Аб гэтым паведамляе "Интерфакс". "ДМК Беларусі правёз перамовы з Фэдэральнай мытнай службай Расейскай Фэдэрацыі і прапанаваны канкрэтныя варыянты спрашчэньня працэдураў перамяшчэньня нафты і нафтапрадуктаў”, - паведаміла прэсавая служба Дзяржаўнага мытнага камітэту. “Аднак ФМС Расіі, спасылаючыся на адсутнасьць прамых указаньняў (…) ухілілася ад правядзеньня перамоваў па гэтым пытаньні".

У гэтай сувязі ў ДМК рэспублікі лічаць, што сытуацыя, якая склалася ў дачыненьні паставак нафты ў Беларусь для перапрацоўкі без спагнаньня мыта сьведчыць пра тое, што расейскі бок не выканаў ўзятыя на сябе абавязкі ў рамках дадзенага Пагадненьня, адзначылі Інтэрфаксу ў прэсавай службе ДМК Беларусі.

Паводле пагадненьня, падпісанага ў студзені, аб’ём бязмытных паставак нафты ў Беларусь складзе 6,3 млн. тонаў штогод. Ня будуць абкладацца мытам тыя аб'ёмы нафты, якія будуць пастаўленыя на беларускія НПЗ, а затым экспартаваныя ў Расею ў выглядзе нафтапрадуктаў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG