Лінкі ўнівэрсальнага доступу

В. Януковіч: Эўраінтэграцыя – ключавы прыярытэт зьнешняй палітыкі


Візыт прэзыдэнта Ўкраіны ў Брусэль у цытатах.


Жазэ Мануэль Барозу, старшыня Эўракамісіі

Я рады, што першая паездка прэзыдэнта Ўкраіны пасьля інаўгурацыі адбываецца ў Брусэль. Тут Вы, спадар прэзыдэнт, знаходзіцеся сярод сяброў Украіны, якія падтрымліваюць стабільнасьць і дабрабыт Вашай краіны.

Мы ня лічым, што разьвіцьцё адносінаў Украіны з Эўрапейскім Зьвязам на шкоду адносінам з Расеяй і наадварот. Мы таксама імкнёмся разьвіваць канструктыўныя адносіны з Расеяй і таму я лічу, што тут ёсьць вялікі патэнцыял і ва Ўкраіны.

Герман ван Рампэй, прэзыдэнт Эўразьвязу

Перамовы ЭЗ-Украіна наконт пагадненьня аб асацыяцыі, у тым ліку і аб свабодным гандлі, зьяўляюцца істотным крокам у паглыбленьні партнэрства ЭЗ з Украінай.

Гэта правільны шлях палітычнай асацыяцыі і эканамічнай інтэграцыі Ўкраіны з Эўразьвязам у духу “Ўсходняга партнэрства”.

Я вельмі рады, што прэзыдэнт прыехаў у Брусэль у першы ж дзень свайго прэзыдэнцтва, што сьведчыць аб важнасьці адносінаў ЭЗ і Ўкраіны. Я запэўніў прэзыдэнта Януковіча ў цьвёрдым жаданьні ЭЗ падтрымаць Украіну, якая з’яўляецца суседам і партнэрам, які мае стратэгічнае значэньне.

Мы таксама закранулі важныя праблемы рэформаў ва Ўкраіне, у тым ліку і неабходнасьць вярнуцца на правільны шлях у стасунках з МВФ*. Я падкрэсьліў адказнасьць усіх палітычных сілаў, іх абавязак унесьці канструктыўны ўнёсак у справу рэформаў і ўмацаваньне палітычнай стабільнасьці .

*Напярэдадні прэзыдэнцкіх выбараў ва Ўкраіне МВФ прыпыніў супрацоўніцтва з краінай

Віктар Януковіч, прэзыдэнт Украіны

Пра мэты ўнутранай палітыкі Ўкраіны

Яны найперш скіраваныя на забесьпячэньне палітычнай стабільнасьці, адраджэньне эканомікі Ўкраіны, на падвышэньне ўзроўню жыцьця грамадзян, пераадоленьне наступстваў эканамічнага крызісу і правядзеньне сыстэмных сацыяльна-эканамічных рэформаў, на барацьбу з карупцыяй і судовую рэформу.

Пра прыярытэты зьнешняй палітыкі Ўкраіны

Для Ўкраіны эўрапейская інтэграцыя – гэта ключавы прыярытэт зьнешняй палітыкі.

Мы таксама абмяняліся думкамі наконт прыярытэтаў зьнешняй палітыкі Ўкраіны. Хачу падкрэсьліць, што яна ня будзе радыкальна мяняцца, а стане больш прагматычнай і напоўненай канкрэтным зьместам.

Сярод прыярытэтаў будзе інтэграцыя з Эўразьвязам, аднаўленьне добрасуседзкіх адносінаў з Расейскай Фэдэрацыяй, ўмацаваньне добрасуседзкіх адносінаў зь іншымі краінамі-суседзямі і стратэгічнае партнэрства са Злучанымі Штатамі Амэрыкі, аднаўленьне працы з МВФ і іншымі міжнароднымі фінансавымі інстытуцыямі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG