Міліцыянты не прыйшлі на сустрэчу з праваабаронцамі

Сустрэча была прызначана на сёньня ў гатэлі "Эўропа", а 11 гадзіне раніцы. Аднак увечары 18 лютага арганізатарам адмовілі ў залі.

Тым ня менш сёньня праваабаронцы сабраліся каля гатэля “Эўропа”, чакаючы, ці прыйдзе хто-небудзь з прадстаўнікоў праваабарончых органаў. Як і можна было прадбачыць, ніхто з прадстаўнікоў улады не зьявіўся.

Старшыня Беларускага Хэльсынскага камітэту Алег Гулак з гэтай нагоды заявіў Свабодзе: “Хутчэй за ўсё, міліцыянты не гатовы да размовы. Відавочна, пакуль ім няма чаго сказаць. Але мы пацьвярджаем сваю гатоўнасьць да дыялёгу з праваахоўнымі органамі”