Лінкі ўнівэрсальнага доступу

Зімовая Горадня Вікторыі Ільліной


Мастачка Вікторыя Ільліна
Мастачка Вікторыя Ільліна

У прыватнай галерэі «Крыга» ў Горадні сёньня адкрылася выстава мастачкі Вікторыі Ільліной. Сталая тэма яе жывапісу — старая Горадня. Хоць нельга сказаць, што мастачка імкнецца адлюстраваць канкрэтныя помнікі архітэктуры Горадні, але гарадзенцы пазнаюць на яе карцінах камяніцы з гістарычнай забудовы. Тэма новай выставы — зіма, зімовы горад.

Вікторыя Ільліна кажа, што Горадня — яе асноўная тэма яшчэ са студэнцкіх часоў. Калі яна вучылася ў Менску, то малявала свой горад, і ўсе ведалі, што яна з Горадні, што тут захаваўся стары цэнтар. Мастачка ўдакладняе, што не малюе канкрэтна пэўныя вуліцы, хаця ўсе пытаюцца — а дзе гэта?

Але на выставе ёсьць і працы з выявамі канкрэтных будынкаў. На адной з карцін — генэральскі дом польскага часу. Ён стаіць за старымі воданапорнымі вежамі, у якіх майстэрні мастакоў. Вікторыя Ільліна кажа, што звычайна на яе карцінах — «проста аўра невялічкага правінцыйнага гарадка».

Стары горад на адной з карцін на выставе ў «Крызе».
Мастачка перажывае за свой горад, бо далёка не заўсёды старыя камяніцы рэстаўруюць як мае быць. Некаторыя будынкі руйнуюць нават у нашы дні.

Ільліна: «Нядаўна прыяжджаў мой адзін студэнт, ён вучыцца ў Менску на архітэктуры. Ён кажа: кожны раз прыяжджаю — таго няма і гэтага, і перажывае, бо нешта трэба рабіць з гэтым. І толькі адзін, кажа, дом нармальна адрэстаўравалі ў горадзе. Я пытаюся: які? А ён мне называе мой самы любімы дом, у якім хораша зрабілі цэглу, толькі памянялі вокны, дзьверы, і гэты стары дом цяпер выглядае так, як павінен выглядаць пасьля рэстаўрацыі. Мне вельмі радасна, што мае студэнты гэта разумеюць».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG