Лінкі ўнівэрсальнага доступу

Men’s Fest is out?


Аляксанар Памідораў
Аляксанар Памідораў

Пад пытаньнем аказаўся чарговы фэстываль Men’s Fest з удзелам вядучых альтэрнатыўных гуртоў Беларусі — Pomidor/OFF, Sciana, MAUZER. Фэстываль быў заплянаваны на 20 лютага ў Берасьці, у мясцовым палацы прафсаюзаў. Цяпер чыноўнікі кажуць, што згоды на правядзеньне фэстывалю няма.

Лідэра гурту Pomidor/OFF Аляксандра Памідорава навіна пра гэтыя праблемы засьпела як раз падчас перадфэстывальнай рэпэтыцыі. «Гэта трэба ж! Мы адмыслова сабраліся, каб падрыхтавацца, адшліфаваць наш выступ на Men’s Fest, і вось табе! Фэстываляў зараз мала, гэтак хочацца больш граць, выступаць, дык зноў не даюць!» — бядуе музыка.

Адзін з арганізатараў фэстывалю, прадусар Зьміцер Назараў паведаміў, што ўсе арганізацыйныя пытаньні нібыта былі ўзгодненыя з дырэкцыяй Палаца прафсаюзаў, але нечакана ўзьніклі праблемы на ўзроўні ідэалягічнага аддзелу Берасьцейскага гарвыканкаму.

«Гастрольнае пасьведчаньне было ўжо атрымана, але трэба было яшчэ ўзгадніць ды заверыць афішу фэсту ў выканкаме, — цытуе „Наша ніва“ Зьмітра Назарава. — Але там сказалі, каб афішу падпісаў дырэктар ДК, „каб яны ведалі, што ён ведае пра мерапрыемства“. А дырэктар, які дзень таму быў толькі „за“, кажа, што канцэрту ня будзе, і камэнтаваць нешта адмаўляецца, спасылаючыся на гарвыканкам. Такое ў выйшла зачараванае кола».

Фэстываль Men’s Fest раней праводзілі ў Менску і ў тым жа Берасьці, дзе ў яго зараз ёсьць шмат прыхільнікаў. Аляксандар Памідораў мяркуе, што яны будуць вельмі расчараваныя, калі Men’s Fest «праляціць» міма Берасьця.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG