Унівэрсальны пэрыядычны агляд, які праводзіцца ў межах дзейнасьці Рады ААН па правах чалавека, — гэта штогадовая справаздача 192 краін-удзельніц ААН аб выкананьні міжнародных нормаў у галіне правоў чалавека. Беларусь гэтую працэдуру будзе праходзіць упершыню, у тым ліку ў зьвязку з адмовай афіцыйных уладаў супрацоўнічаць з праваабарончымі структурамі ААН цягам апошніх дзесяці гадоў, паведаміў старшыня БХК Алег Гулак:
«Мне цяжка сказаць чаму краіна не выконвала свае абавязкі і не падавала свае матэрыялы. Відаць, была не зацікаўленая ў супрацоўніцтве зь міжнароднымі структурамі па правах чалавека. І мы бачым, у якой міжнароднай ізаляцыі доўгі час знаходзілася наша краіна таму, што ігнаравала сытуацыю з правамі чалавека ў краіне. Гэта і ёсьць форма ўплыву за невыкананьне сваіх абавязкаў перад міжнароднай супольнасьцю».
У падрыхтаванай справаздачы беларускія праваабаронцы засьведчылі парушэньні правоў чалавека ў 15 кірунках жыцьця грамадзтва, у тым ліку — у пытаньнях свабоды слова, суду, асацыяцый і шмат якіх іншых, кажа прадстаўнік Асамблеі няўрадавых арганізацый Юры Чавусаў:
«Найперш мы закранулі праблему рэгістрацыі няўрадавых асацыяцый, а дакладней — перашкоды, якія стварае заканадаўства. І прыводзім дакладную статыстыку, што колькасьць няўрадавых арганізацый апошняе дзесяцігодзьдзе ў Беларусі застаецца сталаю — каля 2250 арганізацый. Гэта азначае, што грамадзкі сэктар у Беларусі не разьвіваецца. Пра палітычныя партыі таксама ўсім вядома, што за апошняе дзесяцігодзьдзе ніводнай палітычнай партыі зарэгістравана не было, хоць спробы такія былі».
Як паведамілі праваабаронцы, у Раду па правах чалавека ААН яны таксама накіравалі альтэрнатыўную справаздачу пра становішча з правамі чалавека ў Беларусі.
Распаўсюд дакумэнту сярод краін Эўропы і міжнародных праваабарончых арганізацыяў — наступная задача праваабарончага сэктару Беларусі, кажа юрыст цэнтру «Вясна» Валянцін Стэфановіч:
«Нашыя наступныя крокі — гэта азнаямленьне з самім пэрыядычным дакладам. Мы плянуем працоўныя сустрэчы ў Жэнэве з прадстаўнікамі нацыянальных дэлегацый, якія ўваходзяць у склад Рады па правах чалавека ААН, брыфінг для амбасадаў замежных краін у Беларусі, а таксама для амбасадаў у Варшаве і Вільні».
Рэкамэндацыі па выпраўленьні становішча з правамі чалавека ў Беларусі для ўладаў і міжнародных праваабарончых структураў беларускія праваабаронцы занатавалі ў дакумэнце, складзеным з 52 пунктаў.
«Мне цяжка сказаць чаму краіна не выконвала свае абавязкі і не падавала свае матэрыялы. Відаць, была не зацікаўленая ў супрацоўніцтве зь міжнароднымі структурамі па правах чалавека. І мы бачым, у якой міжнароднай ізаляцыі доўгі час знаходзілася наша краіна таму, што ігнаравала сытуацыю з правамі чалавека ў краіне. Гэта і ёсьць форма ўплыву за невыкананьне сваіх абавязкаў перад міжнароднай супольнасьцю».
У падрыхтаванай справаздачы беларускія праваабаронцы засьведчылі парушэньні правоў чалавека ў 15 кірунках жыцьця грамадзтва, у тым ліку — у пытаньнях свабоды слова, суду, асацыяцый і шмат якіх іншых, кажа прадстаўнік Асамблеі няўрадавых арганізацый Юры Чавусаў:
«Найперш мы закранулі праблему рэгістрацыі няўрадавых асацыяцый, а дакладней — перашкоды, якія стварае заканадаўства. І прыводзім дакладную статыстыку, што колькасьць няўрадавых арганізацый апошняе дзесяцігодзьдзе ў Беларусі застаецца сталаю — каля 2250 арганізацый. Гэта азначае, што грамадзкі сэктар у Беларусі не разьвіваецца. Пра палітычныя партыі таксама ўсім вядома, што за апошняе дзесяцігодзьдзе ніводнай палітычнай партыі зарэгістравана не было, хоць спробы такія былі».
Як паведамілі праваабаронцы, у Раду па правах чалавека ААН яны таксама накіравалі альтэрнатыўную справаздачу пра становішча з правамі чалавека ў Беларусі.
Распаўсюд дакумэнту сярод краін Эўропы і міжнародных праваабарончых арганізацыяў — наступная задача праваабарончага сэктару Беларусі, кажа юрыст цэнтру «Вясна» Валянцін Стэфановіч:
«Нашыя наступныя крокі — гэта азнаямленьне з самім пэрыядычным дакладам. Мы плянуем працоўныя сустрэчы ў Жэнэве з прадстаўнікамі нацыянальных дэлегацый, якія ўваходзяць у склад Рады па правах чалавека ААН, брыфінг для амбасадаў замежных краін у Беларусі, а таксама для амбасадаў у Варшаве і Вільні».
Рэкамэндацыі па выпраўленьні становішча з правамі чалавека ў Беларусі для ўладаў і міжнародных праваабарончых структураў беларускія праваабаронцы занатавалі ў дакумэнце, складзеным з 52 пунктаў.