Адрасны тарыф на пампаваньне нафты для “Гомельтранснафта Дружба”
| Напрамак | Цана (рублі за тону) |
| Невель — Полацак | 17,84 |
| Унеча — Полацак | 68,5 |
| Унеча — Мазыр | 31,35 |
| Невель — Полацак — Унеча | 15,54 |
| Унеча — 203 км | 27,97 |
Тарыф на прыём і далейшае пампаваньне нафты ў кірунку Нямеччыны, Чэхіі, Славакіі, Польшчы, Вугоршчыны і Ўкраіны (маршрут Невель — Полацак — Высоцк) — 18,33 рубля за тону, Унеча — Броды — 63,19 рубля, Унеча — Адамава Застава — 147,13 рубля.
Пералік тарыфаў адбыўся паводле зацьверджанага мэтаду зьмяненьня тарыфаў на транспартаваньне нафты. Гэты мэтад увайшоў у пакет дакумэнтаў пра ўмовы пастаўкі ў Беларусь расейскай нафты. Дакумэнты падпісаныя 27 студзеня ў Маскве.
Раней тарыфы на пампаваньне нафты па тэрыторыі Беларусі разьлічваліся ў эўра.
У 2009 годзе праз сыстэму магістральных нафтаправодаў “Дружба” па тэрыторыі Беларусі прапампавана 79,6 мільёна тонаў нафты, што на 4,9% больш у параўнаньні з 2008-м, піша Інтэрфакс.
