Вынікам стала тэлефонная размова паміж міністрамі замежных спраў Польшчы і Беларусі Радаславам Сікорскім і Сяргеем Мартынавым, кажа спадар Пачобут. Ён тлумачыць, што яны з паплечнікамі спадзяюцца на сур’ёзную рэакцыю ў Польшчы адносна канфліктнай сытуацыі вакол Дому польскага ў Івянцы Валожынскага раёну. Яго дырэктарку Тэрэсу Собаль вырашыла адхіліць кіраўніцтва праўладнага Саюзу палякаў, аднак 155 івянецкіх палякаў выказалі ёй на сходзе падтрымку. Дом польскі пакуль дзейнічае ў сваім звычайным рэжыме, у нядзелю адбыўся канцэрт, было шмат гледачоў, кажа А.Пачобут.
Аднак, як вядома, у Івянцы адбыўся таксама іншы сход, на якім людзі з праўладнага Саюзу палякаў абралі кіраўніком мясцовай суполкі іншага чалавека — дырэктара Дома культуры Станіслава Бурачэўскага. Падзел на два бакі ў Івянцы захоўваецца. Паплечнікі Анжалікі Борыс (кіраўніцы не прызнаванага ўладамі Саюзу палякаў) лічаць, што праўладная структура будзе імкнуцца пераняць кіраўніцтва ў Доме польскім і што можа адбыцца яго захоп. Яны спадзяюцца, што ўрэгуляваць сытуацыю змогуць дапамагчы польскія ўлады ў непасрэдным кантакце з уладамі беларускімі.
