На такія заявы чыгуначнікі й наагул усе службоўцы, адказныя за жыцьцё людзей, рэагуюць не марудзячы — дакладаюць начальству. Ва ўчарашнім выпадку праваднік паведаміў пра пагрозу начальніку цягніка, а той — міліцыі і выратавальнікам. Цягнік спынілі. На месца здарэньня тэрмінова прыехалі супрацоўнікі Міністэрства надзвычайных сытуацыяў, міліцыі, КДБ, група разьмініраваньня.
Пасажыраў аўтобусамі перавозілі ў Жлобін, а адтуль ужо дызэль-цягніком — у Гомель.
Выбухоўкі ў пакінутым цягніку не знайшлі. «Падрыўніка», жыхара Гомеля 1981 году нараджэньня, і двух ягоных спадарожнікаў затрымалі. Пра гэта апавёў начальнік Гомельскага аддзелу міліцыі на транспарце Ігар Набатаў:
«Малады чалавек, 81-га году нараджэньня. Ён разам зь імі ехаў і спажываў сьпіртовыя напоі. Менш трэба піць! Усе такія злачынствы — ад гарэлкі. Гэта ўсё, што я пакуль магу сказаць».
Як высьветлілася, спадарожнікі «падрыўніка» ня мелі дачыненьня да пагрозаў — іх адпусьцілі. А вось самога яго зьмясьцілі ў Жлобінскі ізалятар. З затрыманым гамельчуком транспартная міліцыя гутарыла яшчэ на станцыі ў Бабруйску. Ён супакоіўся, але ненадоўга. Цяпер ягоныя дзеяньні падпадаюць пад артыкул 340 Крымінальнага кодэксу — заведама ілжывае паведамленьне пра падрыхтоўку выбуху. Максымальнае пакараньне паводле гэтага артыкула — да 5 гадоў пазбаўленьня волі.
Хутчэй за ўсё, «падрыўніку» давядзецца сплачваць і выдаткі на эвакуацыю людзей, на выклік ратавальнікаў і мінёраў.
Гомельскі юрыст і праваабаронца Леанід Судаленка лічыць, што патрабаваньне кампэнсацыі маральнай шкоды «падрыўніку» цалкам могуць выставіць у судзе й пасажыры цягніка № 96, якія спазьніліся ў Гомель на чатыры гадзіны:
«Я б паспрабаваў прад’явіць пазоў на маральную шкоду гэтаму хулігану, які ўчыніў такое глупства. Калі купляю квіток, я ведаю дакладны час, калі буду дома, і адпаведна будую свае пляны. Мяне дома маглі чакаць дзеці, я мог бы спазьніцца на іншы цягнік і гэтак далей. З улікам усіх абставінаў я б і абгрунтоўваў памер маральнай шкоды».
Кіраўніцтва Гомельскага аддзяленьня чыгункі лічыць, што брыгада цягніка № 96 дзейнічала прафэсійна, у адпаведнасьці з інструкцыяй, узгодненай з Камітэтам дзяржаўнай бясьпекі. Аднак інцыдэнт будзе яшчэ ўсебакова абмяркоўвацца.
Гаворыць намесьнік начальніка аддзяленьня чыгункі Рыгор Дворак:
«Дзейнічалі паводле інструкцыі. Добра, што ўсё добра скончылася. Хацелася б, каб нічога не затрымлівалася, каб усё ішло нармальна. Але ж ёсьць парадак. Будзем разглядаць дзеяньні ўсяго пэрсаналу, датычнага да здарэньня. І ня толькі начальніка цягніка, але й начальніка станцыі, дзяжурнага па станцыі й аддзяленьні — як яны дзейнічалі? Па інструкцыі, не па інструкцыі? Думаю, што інструкцыю не парушылі».
Учорашняе надзвычайнае здарэньне на чыгунцы блізу Жлобіна — не адзінкавае. Нядаўна ў такім жа становішчы ў Воршы апынуліся пасажыры цягніка Калінінград — Масква. Ім таксама пагражаў выбухам неадэкватны чалавек.
Сьвежы на памяці й выпадак, калі жыхар адной зь вёсак Гомельскага раёну пагражаў узарваць Нацыянальную бібліятэку.
Пасажыраў аўтобусамі перавозілі ў Жлобін, а адтуль ужо дызэль-цягніком — у Гомель.
Выбухоўкі ў пакінутым цягніку не знайшлі. «Падрыўніка», жыхара Гомеля 1981 году нараджэньня, і двух ягоных спадарожнікаў затрымалі. Пра гэта апавёў начальнік Гомельскага аддзелу міліцыі на транспарце Ігар Набатаў:
«Малады чалавек, 81-га году нараджэньня. Ён разам зь імі ехаў і спажываў сьпіртовыя напоі. Менш трэба піць! Усе такія злачынствы — ад гарэлкі. Гэта ўсё, што я пакуль магу сказаць».
Менш трэба піць! Усе такія злачынствы — ад гарэлкі.
Хутчэй за ўсё, «падрыўніку» давядзецца сплачваць і выдаткі на эвакуацыю людзей, на выклік ратавальнікаў і мінёраў.
Гомельскі юрыст і праваабаронца Леанід Судаленка лічыць, што патрабаваньне кампэнсацыі маральнай шкоды «падрыўніку» цалкам могуць выставіць у судзе й пасажыры цягніка № 96, якія спазьніліся ў Гомель на чатыры гадзіны:
«Я б паспрабаваў прад’явіць пазоў на маральную шкоду гэтаму хулігану, які ўчыніў такое глупства. Калі купляю квіток, я ведаю дакладны час, калі буду дома, і адпаведна будую свае пляны. Мяне дома маглі чакаць дзеці, я мог бы спазьніцца на іншы цягнік і гэтак далей. З улікам усіх абставінаў я б і абгрунтоўваў памер маральнай шкоды».
Кіраўніцтва Гомельскага аддзяленьня чыгункі лічыць, што брыгада цягніка № 96 дзейнічала прафэсійна, у адпаведнасьці з інструкцыяй, узгодненай з Камітэтам дзяржаўнай бясьпекі. Аднак інцыдэнт будзе яшчэ ўсебакова абмяркоўвацца.
Гаворыць намесьнік начальніка аддзяленьня чыгункі Рыгор Дворак:
«Дзейнічалі паводле інструкцыі. Добра, што ўсё добра скончылася. Хацелася б, каб нічога не затрымлівалася, каб усё ішло нармальна. Але ж ёсьць парадак. Будзем разглядаць дзеяньні ўсяго пэрсаналу, датычнага да здарэньня. І ня толькі начальніка цягніка, але й начальніка станцыі, дзяжурнага па станцыі й аддзяленьні — як яны дзейнічалі? Па інструкцыі, не па інструкцыі? Думаю, што інструкцыю не парушылі».
Учорашняе надзвычайнае здарэньне на чыгунцы блізу Жлобіна — не адзінкавае. Нядаўна ў такім жа становішчы ў Воршы апынуліся пасажыры цягніка Калінінград — Масква. Ім таксама пагражаў выбухам неадэкватны чалавек.
Сьвежы на памяці й выпадак, калі жыхар адной зь вёсак Гомельскага раёну пагражаў узарваць Нацыянальную бібліятэку.