Сёньня мы згадваем тыя адказы і пытаемся ў іх, ці выканаў прэзыдэнт ЗША іхныя “наказы”?
19 студзеня 2009 году
“Найперш мы самі павінны нешта рабіць для Беларусі. І тады мы можам чакаць нечага ад іншых.
Мне вельмі цікава, калі людзі спрабуюць зазірнуць у будучыню і спадзяюцца, каб гэтая будучыня рабілася нейкімі іншымі рукамі. Мы павінны гэтую будучыню самі будаваць — у сваіх сэрцах, у сваіх душах. І тое, што ў гэтым годзе ў нашай краіне будуць адбывацца вельмі слушныя падзеі — гэта відавочна. І ў сьвеце да гэтых падзеяў не застануцца абыякавымі”.
20 студзеня 2010 году
"Думаю, што многае за гэты час становіцца відавочным. І самае галоўнае, што мы можам бачыць, гэта тое, што людзі праяўляюцца ў поўнай меры, у поўным аб'ёме. Раней можна было схавацца ў поўцень альбо ў поўсьвятло. Цяпер такога няма. Цяпер ужо даводзіцца прымаць абсалютна канкрэтныя і ясныя рашэньні, ад якіх нікуды нельга дзецца".