Лінкі ўнівэрсальнага доступу

На азіяцкіх фондавых біржах кошты на нафту зьнізіліся


На азіяцкіх фондавых біржах сёньня назіралася зьніжэньне коштаў на сырую нафту, паведамляе з Сынгапуру агенцтва АРА.

Так, кошт нафтавых паставак у лютым зьнізіўся да 78,24 даляра ЗША за барэль (159 літраў). Цана паставак spot-нафты ў сакавіку зьнізілася да $76,86. У гэтым месяцы кошты складалі прыкладна $79,45 за барэль. У мінулым месяцы, на пачатку расейска-беларускай нафтавай вайны, цэны за адзін барэль на ўсясьветных біржах пераадолелі адзнаку 80 даляраў. Адным з фактараў гэтага падвышэньня, як пішуць заходнія аглядальнікі, стала інфармацыя адносна спыненьня расейскіх нафтавых паставак у Беларусь.

Канфлікт выклікаў занепакоенасьць у розных краінах ЭЗ. Аднак, паводле эўрапейскіх аглядальнікаў, адрозна ад падзеяў трохгадовай даўніны, пакуль яшчэ перапынку ў транзыце нафты не назіралася. Да таго ж запасы нафты вялікія, і ЭЗ у надзвычайным выпадку зможа мабілізаваць неабходныя рэсурсы.

Што да сёньняшняга падзеньня коштаў, то яго экспэрты зьвязваюць з шэрагам фактараў. Гэта стабілізацыя амэрыканскага даляра, больш нізкі прагноз Міжнароднага энэргетычнага агенцтва адносна сёлетняга попыту на нафту ў сьвеце, аслабленьне халадоў у ЗША, а таксама падвышэньне Цэнтрабанкам Кітаю банкавага рэзэрву, каб прадухіліць “перагрэў” кітайскай эканомікі, цытуе венскае выданьне Der Standard меркаваньні нафтавых дылераў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG