Працяг перамоваў па пастаўках электраэнэргіі з Расеі 19 студзеня

Пра гэта паведамляе БЕЛТА з спасылкай на «Интер РАО ЕЭС» па выніках сёньняшняй сустрэчы ў Маскве кіраўніцтва гэтай расейскай кампаніі і «Белэнэрга».

У 2010 годзе ААТ «Интер РАО ЕЭС» мае намер паставіць у Беларусь 3 мільярды кіляват-гадзін электраэнэргіі ў адпаведнасьці з балянсам Саюзнай дзяржавы, і да 2,5 мільярдаў кіляват-гадзін электраэнэргіі на падставе прынцыпаў камэрцыйнай мэтазгоднасьці. Расейскі бок плянуе таксама транзытныя пастаўкі электраэнэргіі ў Калінінградзкую вобласьць і краіны Балтыі.