Лінкі ўнівэрсальнага доступу

“Мы дзейнічаем не дзеля задавальненьня ЭЗ”


Сяргей Мартынаў
Сяргей Мартынаў

Пра гэта ў часе прэсавай канфэрэнцыі ў Вене заявіў журналістам беларускі міністар Сяргей Мартынаў. У прэсавай канфэрэнцыі таксама ўзяў удзел міністар замежных спраў Аўстрыі Міхаэль Шпіндэлегер.

Як нагадвае аўстрыйскім чытачам венская Die Presse, кіраўнік беларускага МЗС Сяргей Мартынаў – першы з высокіх урадавых беларускіх чыноўнікаў, які з афіцыйным візытам наведаў Аўстрыю за апошнія больш чым 10 гадоў. У часе сустрэчы з журналістамі, Мартынаў “адкрыта” і “грунтоўнай ангельскай мовай” патлумачыў сутнасьць “палітычных зігзагаў” беларускага рэжыму паміж Усходам і Захадам: “Нашы дзеяньні накіраваныя не на тое, каб задаволіць Эўразьвяз, – сказаў Сяргей Мартынаў. – Яны павінны задавальняць патрэбы беларусаў".

Паводле выданьня, гэта было “нібыта выразным ударам у сьпіну патрабаваньням ЭЗ аб дэмакратызацыі і пажаданьням Рады Эўропы аб адмене сьмяротнага пакараньня”.

Камэнтуючы ў размове з Die Presse цяперашні характар дачыненьняў Менску з ЭЗ, прадстаўнік Нямецкай асацыяцыі ўсходнеэўрапейскіх даследаванняў Фолькер Вайсхзэль заўважае, што пэўнае набліжэньне выклікана неабходнасьцю”.

Паводле Вайхзэля, па Беларусі цяжка ўдарыў эканамічны крызіс, а Лукашэнку дзеля ўмацаваньня ўлады неабходная ў тым ліку і дапамога Эўропы.

Вайхзэль крытыкуе нядаўні візыт у Беларусь італьянскага прэм'ера Сільвіё Бэрлюсконі, якога пачалі параўноўваць з “палітычным ледаколам”. Паводле аналітыка, “ЭЗ ня змогуць ўспрымаць сур’ёзна, калі ён пачне гаварыць адразу некалькімі галасамі.”

“Лакмусавай паперкай” далейшых дачыненьняў ЭЗ зь Менскам могуць стаць маючыя адбыцца ў наступную вясну мясцовыя выбары. Што да зацьверджанай рэформы выбарчага законадаўства, то яна, паводле экспэртаў, мае ня больш як касмэтычны характар.”
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG