НА ДВАРЫ...
Чакаецца пахаладаньне і сьнег
НЕ ПРАХОДЗЬЦЕ МІМА:
У суботу на Малой сцэне Купалаўскага тэатру прэм'ера спэктаклю «Зіма» паводле п'есы Яўгена Грышкаўца. Тэатар абяцае «навагоднюю казку для дарослых».
ТАМ, ДЗЕ НАС НЯМА:
У Абхазіі 12 сьнежня пройдуць першыя прэзыдэнцкія выбары пасьля прызнаньня Расеяй незалежнасьці гэтага рэгіёну. На пост кіраўніка прэтэндуюць 5 кандыдатаў.
Дзень Канстытуцыі Расейскай Фэдэрацыі.
ТАКСАМА Ў ГЭТЫ ДЗЕНЬ:
1796 г. – Сэнат Расет прыняў указ пра стварэньне (аднаўленьне) Мінскай губерніі з цэнтрам ў Мінску.
1979 – Палітбюро ЦК КПСС пастанавіла ўвесьці войскі ў Аўганістан.
1981, 13 сьнежня – урад Польшчы ўвёў ваеннае становішча.
2003 – памёр прэзыдэнт Азэрбайджану Гейдар Аліеў, які кіраваў краінай больш як 30 гадоў.
12 сьнежня ў розныя гады нарадзіліся францускі пісьменьнік Гюстаў Флябэр і амэрыканскі сьпявак і кінаактор Фрэнк Сынатра.
ЁСЬЦЬ НАГОДА:
Габрэйскае сьвята Ханука.
МІНУС 365:
Год таму на сайце Свабоды: Памежнікі перасталі ставіць штампы пра перасячэньне дзяржаўнай мяжы ў пашпартах грамадзянаў Беларусі.
ЦЫТАТА НА ПАМЯЦЬ:
«Ніякая ідэалёгія ня можа ўстанаўлівацца ў якасьці дзяржаўнай або абавязковай». З артыкулу 13 Канстытуцыі РФ.
