Лінкі ўнівэрсальнага доступу

“Саюзная дзяржава”: праз 10 гадоў усё яшчэ ў праэкце


Belarus -- border with Russia, 1Oct2002
Belarus -- border with Russia, 1Oct2002

У Крамлі 8 сьнежня заплянаваныя ўрачыстасьці з нагоды 10-годзьдзя падпісаньня Дамовы пра стварэньне “саюзнай дзяржавы” Беларусі і Расеі. Юбілейныя мерапрыемствы ў Менску прызначаныя праз 10 дзён. І зусім не таму, што прэзыдэнт Беларусі можа быць заняты маскоўскімі ўрачыстасьцямі.


Сам беларускі кіраўнік, паводле ягонай прэс-службы, выказаў зьдзіўленьне з прычыны пераносу паседжаньня Вышэйшага дзяржаўнага савету “саюзнай дзяржавы” з 8 на 10 сьнежня, піша ВВС.

За 10 месяцаў крызіснага 2009 году таваразварот паміж Беларусьсю і Расеяй зьнізіўся амаль на 40%, адмоўнае для Беларусі сальда ў гандлі з саюзьнікам склала 8 мільёнаў даляраў.

Аналітыкі нагадваюць пра шэраг гандлёвых войнаў, нежаданьне Расеі ўключыць стратэгічныя для беларускай эканомікі тавары з сыстэму расейскіх дзяржаўных закупак, спрэчках пра цану на газ і мыта на нафту.

Пры гэтым незалежныя экспэрты падкрэсьліваюць: беларуская эканоміка пры гэтым актыўна выкарыстоўвае расейскія ільготы і крэдыты. Расея пэрыядычна патрабуе “заплаціць па рахунках”. Заявы пра тое, хто, каму, за што і колькі вінен Масква і Менск агучваюць на працягу апошніх пяці гадоў ва ўсё больш частых канфліктных сытуацыях.

Рэакцыя на такія “ падлікі” збліжае ў ацэнках беларускую ўладу і апазыцыю: Крэмль не хавае мэты інкарпарацыі Беларусі, замахваецца на сувэрэнітэт “саюзьніка”, -- усё часьцей папярэджваюць у Менску.

Абывацель на “саюзную барацьбу” рэагуе паводле прынцыпу “свая кашуля бліжэй да цела”. Аналітыкі адзначаюць рост крытычных настрояў у дачыненьні да “саюзьніка” ў пэрыяды расейска-беларускіх энэргетычных і гандлёвых канфліктаў. Сацыёлягі сьцьвярджаюць, што ў Беларусі становіцца ўсё менш людзей, гатовых будаваць з Расеяй саюзную дзяржаву.

У “саюзнай дзяржавы” Беларусі і Расеі няма заплянаванай адзінай валюты, адзінага эмісійнага цэнтру, наддзяржаўных органаў і міждзяржаўнага зводу законаў, які ўжо даўно не называюць саюзнай Канстытуцыяй, але яшчэ называюць Канстытуцыйным актам, піша ВВС.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG