І СОНЦА...
...і хмары. Тэмпэратура: 0 — +5.
НЕ ПРАХОДЗЬЦЕ МІМА:
“Цэнтар дзелавой адукацыі" Беларускай гандлёва-прамысловай палаты праводзіць канфэрэнцыю, прысьвечаную прасоўваньню сайтаў у беларускім інтэрнэце. Менск, Нацыянальная бібліятэка.
Выстаўка літоўскай прэс-фатаграфіі. Аўтацэнтар Кія "Атлант-М Баравая".
ТАМ, ДЗЕ НАС НЯМА:
Міністры замежных справаў краінаў НАТО сустракаюцца ў Брусэлі, каб абмеркаваць, між іншым, падтрымку новай амэрыканскай стратэгіі ў Аўганістане ды пэрспэктывы прыняцьця новых сяброў — Босьніі-Герцагавіны і Чарнагорыі.
Расейскі прэм’ер-міністар Уладзімір Пуцін дае штогадовую агульнанацыянальную прэс-канфэрэнцыю ў Маскве.
ТАКСАМА Ў ГЭТЫ ДЗЕНЬ:
У 1907 у вёсцы Бязьверхавічы пад Слуцкам нарадзіўся беларускі паэт і празаік Рыгор Крушына (памёр у 1979 у ЗША). Ён стаў першым беларускім пісьменьнікам, прынятым у сябры Міжнароднага ПЭН-клюбу. Пад канец 1950-х Рыгор Крушына працаваў у беларускай службе Радыё Свабода ў Мюнхэне.
У 1967 паўднёваафрыканскі хірург Крыстыян Барнард правёў першую апэрацыю па перасадцы чалавечага сэрца.
ЁСЬЦЬ НАГОДА:
Міжнародны дзень інвалідаў.
МІНУС 365:
Год таму на сайце Свабоды: “Беларусь і Ўсходняе партнэрства”
ЦЫТАТА НА ПАМЯЦЬ:
"Лебедзь чорная —
Гэта нашае жыцьцё.
Ў ноч бяззорную
Мы — апалае лісьцё.
Адарваныя
Ад Палесься мы зусім,
Наш каханы край
Песьцім песьнямі і сьнім".
Рыгор Крушына